अश्विन जडेजाची मोठी पार्टनरशिप :
ऋषभ पंत बाद झाल्यावर रवींद्र जडेजा मैदानात आला तर केएल राहुलच्या रूपाने भारताचीसहावी विकेट पडल्यावर आर अश्विनला फलंदाजीसाठी पाठवण्यात आले. दोघांनी सातव्या विकेटसाठी फलंदाजी करताना तब्बल 195 धावांची पार्टनरशिप केली. यात रवींद्र जडेजाने 117 बॉलमध्ये 86 धावा केल्या. तर आर अश्विनने 112 बॉलमध्ये 102 धावा करून शतक लगावले. या दरम्यान अश्विनने 10 चौकार आणि 2 सिक्स मारले. तर जडेजाने देखील 10 चौकार करत 2 सिक्स ठोकले.